I bin e rächte Schwyzer, dumm, doof
Wott nid meh, wott nid wyter, dumm, doof
I ha, was i bruuche, das isch ke Witz
I ha, was i gärn ha, u das isch d Schwyz
I bin e rächte Schwyzer, dumm, doof

I wachen uuf i mym nordische Bett, made in Finnland, jedi Wett
I trinken es Kaffee us Equador, oder es Tee, beschti Margge us Ceylon
I legen es T-Schört, es Paar Hosen a, us Boumwulle us der Ukraina
Luege i d Zytig, i wagen e Blick, was gsehn i da, si bringe's wider dick
Tamile, Jugos und Tschingge, tschalpen üs uf d Füess, wöugen üs lingge
chömi dahäre zum Schmarotze, u die söll me doch alli furtputze!

I fahren i ds Büro, i la mys Outo a, du hesch's errate, es isch e Toyota
I fahre mit Bänzin usem Kuwait, ah ja, s Paar Italian Shoes han i o no aagleit
I bi scho chly spät, lueg i my Swatch mau a, u gseh, die isch ja made in Korea
I chumen i ds Büro, grüesse mit "Hallo", grüesse d Ilona, u der Giorgio o
är isch us Rom, si vo Bratislava, Ussländer, uf die chasch di nie verla
chöme dahäre zum Schmarotze, u i darf nid mau motze

I bin e rächte Schwyzer, dumm, doof
Wott nid meh, wott nid wyter, dumm, doof
I ha, was i bruuche, das isch ke Witz
I ha, was i gärn ha, u das isch d Schwyz
I bin e rächte Schwyzer, dumm, doof

Im Büro la n i my Computer a, ds nöischte Modäll us Amerika
Die schnällschti Software, s isch e Fröid, natürlech isch o die, "american made"
I la mys Japaner-Radiöli a , "wau!" die Mäickel Jäcksen muess i haa!
De han i Durscht, i muess es ha, es yschalts Coci us Atlanta

Alles chunnt vo dert, nüt chunnt vo da, i cha nid läbe vo Chäs u Schoggola
Drum stygen i uf e höchscht Bärg won i cha, mache ds Härz u d Ougen uuf
U luege so wyt i chaa, so wyt i gseh

I bin e guete Schwyzer, wott viu meh, viu wyter
I bin e guete Schwyzer, gseh viu meh, viu wyter
I bin e guete Schwyzer, cha no meh, no wyter
I bin e guete Schwyzer, gseh viu meh, viu wyter
La Svizzera, la Svizzera, la Svizzera, l'è una naziun de cujun!
I bin e guete Schwyzer, i dänke no meh, viu wyter



[top]