I stecke der Schlüssu, laa d Zündig aa
Es isch chaut, es zieht, u d Schybe louft aa
I zieh der Tschokk u gibe Gas
La d Lüftig aa u fahre los
Ds Strässli ab, dür ds nächschte Kaff
Bir grüene Tafle biegn i ab
Uf d´Outobahn
I la ds Radio a u wider ab
I schalte düre, i drücken ab
I bi alei, es isch niemmer da
Im Spiegel lah n i alles la stah
Ds Land zieht verby, i halte nie meh aa
Nume wenn i schnäll mues e Tank voll ynelaa
Es Brot, chly Wasser, u scho los
Blochen i wyter, rigoros
Lah Stadt um Stadt im Räge stah
Fahre wyter, der wysse Linie na

Uf der Outobahn, besässe vo däm Tempo-Wahn
Schnäller, schnäller, geng wyter wägg
Schnäller, schnäller geng wyter, - furt

E Boustell, es Tunäl, e höchi Brügg
Geng grad uus, u niemeh zrügg
E See, e Fluss, e Bärg, es Tal
E gradi Linie, es isch brutal
Mit mir allei uf dere Strass
Es wird Nacht, u der Teer isch nass

Uf der Outobahn, besässe vo däm Tempo-Wahn
Schnäller, schnäller, geng wyter wägg
Schnäller, schnäller geng wyter, - furt

Es paar Tänk später, es taget scho
gsehn i d Sunne über ds Meer ychoo
Chole han i nümm grad vil
Wenn chumen ig ändlech a mys Ziel?
Dert, won i här chume, chas nid sy
Aber vilech bin i scho drann verby

Uf der Outobahn, besässe vo däm Tempo-Wahn
Schnäller, schnäller, geng wyter wägg
Schnäller, schnäller geng wyter, - furt

Uf der Outobahn besässe vo däm Tempo-Wahn
Schnäller, schnäller, geng wyter wägg, schnäller, schnäller geng wyter, - furt
Schnäller, schnäller, geng wyter wägg, schnäller, schnäller geng wyter, - furt


[top]