News__ Music__ Biografie__ Discografie__ Fotogallerie__ Booking__ Kontakt

d's gschänk-li
du ladsch mi y, zu dir a ds fescht
zu dir, zu dyne liebe gescht
i chume gärn, 's isch nid wäg dämm
aber irgendwie, mit lääre häng
cha nüt derfür, es isch e so
man i nid zu dir, a ds fesch-li cho
ha nide mau e fläsche wy
und am bluemelade bin i scho verby.

nimm doch das lied - li
's isch nid gross, es isch ganz chly
passt i kes päck - li
aber es isch es gschänk, vo mir für di...

jedi stung, won i cha sy
mit dir, sött nie verby
un i gniesse 's immer wider
du weisch, i bi so gärn bi dir
di wott i immer wider gseh
du gisch mir luscht uf no viu meh
du gisch mir muet zum wyterläbe
mit dir wett i zämechläbe

du bisch es schätze - li
du bisch so gross, un i so chly
du bisch mys schätze - li
du bisch es gschänk für mi, bisch da für mi...

jede morge wach i uuf
i läbe no u hole schnuuf
mys härz schlat no, i bi no da
my fade het no nid la gah
i gseh der tag, wo ynebricht
u wyter geit die schöni gschicht
gott sei dank, i läbe no
u irgendwie macht mi das froh...

es isch es gschänk - li
mängisch gross u mängisch chly
es isch es gschänk - li
es isch es gschänk für mi, vo dir für mi....

es isch es gschänk-li lala lolo luu
es isch so gross
es isch es gschänk-li lala lolo luu
jede tag isch nöi
es isch wie wiehnacht u geburtstag zäme..
es isch es gschänk-li lala lolo luu
ja, jede tag, jedi stung isch nöi
es isch es gschänk-li lala lolo luu
mys härz schlaht no, i bi no da
es isch es gschänk-li lala lolo luu
my fade het no nid la gah...
es isch es gschänk
[top]