News__ Music__ Biografie__ Discografie__ Fotogallerie__ Booking__ Kontakt

Isches das itz gsy?
Der Rase isch früsch g'mähit, d's Outo glänzt vor Suberkeit
Der Gartezuun wiss lackiert, d'Solaraalag früsch montiert
D'Hypothek isch scho fasch abzaut, der Wärchzügschopf fertigbout
D's Bluemebeet lüchtet in bunter Pracht, das het mi Frou letscht Samschti g'macht

Isches das itz würklech gsy? U aui Tröim si scho verbi
Au die tolle Plän zu Stoub, verrottet ungerem Eicheloub,
Isches das itz würklech gsy? U aui di Tröim si scho verbi
Au die feine Plän zu Brei, zermahle vom Alltagsmühlistei...

D'Ching si scho gross, d'Grossching si ou nümm so Chly,
Mi Frou und ig mir hei's no guet, aber die heisse Jahr si scho lang verbi,
Tsischtig Abe wird trainiert, täglech mit em Hung spatziert,
Finanziell bini saniert, i's paar Jahr, wird i pensioniert,
Aber..

Isch es das itz würklech gsy? U aui Tröim si scho verbi
Au die grosse Plän zu Sand, zerriebe dert am Aarestrand,
Isch es das itz würklech gsy? U aui Tröim si scho verbi
Au die wilde Plän zu Dräck, abgschmiert und abverreckt..

Weisch no denn, wo mer abdrückt hei, genau gwüsst hei, was mir wei
totau abgfuckt und düregheit heimer Kämpft gage die ganzi Schweinerei,
e Schibe hie, dert e Spray, mir hei gschleglet mit der Bullerei
vor em Morge si mir doch nie hei u hei g'meint mir syge nid allei..
Wie di Aute wärede ou ne nei, bügle, bügle, suure Stei,
das het g'schtunke wie n'es fuus Ei, und i weiss no ganz genau, dass mer g'seit hei,
das isch ganz u gar nid das wo mir wei, aber mit der Zyt, der ganze Raserei
isch nüt meh übrig vo däm ganze Gschrei, und ig bi alle mit der Fragerei...

Isch das würklech aues gsy? U aui Tröim si scho verbi
Au die tolle Plän zu Stoub, verrottet ungerem Eicheloub,
Isches das itz würklech gsy? U aui di Tröim si scho verbi
Au die feine Plän zu Sand, verchätschet dert am Aarestrand,

Isch es das... isch's das würklech gsy?
Isch das würklech Aues gsy?
Aui Plän zu Dräck abgschmiert und abverreckt..
Isch's das itz gsy,
isch itz das scho Aues gsy?
Isches das itz würklech scho gsy?
Isch itz Aues scho verbi?


[top]