News__ Music__ Biografie__ Discografie__ Fotogallerie__ Booking__ Kontakt

Immer nume Ig
Wär hie uf der Bühni steit, u wär das Mikrophon vollschreit, bi n’IG
Dä wo hie der Takt iizeut, u dä wo hie der Ton aagit, bi n’IG
Dä wo weis wo's düregeit, wo seit wies’s hie itz wytergeit, bi n’IG
Wär isch hie grad voll aa'gseit, wär seit wo da Poscht abgeit, bi n’IG

Dä wo i’r Schlange füretrückt, wo meint är chöm de ender aa, bi n’IG
Dä wo uf der linge Spur, dir geng grad am Füdle chläbt, bi n’IG
Dä Parkplatz wo grad itz frei wird, wo du scho lang druf g’wartet hesch, schnapp' IG
D's einzige wo würklech zeut, wo hie e Rolle spielt, bi n'IG.

Spiegl Spiegl a der Wand, wär isch der Schönscht im ganze Lang, dänk IG
Ds Beschte isch doch wyt u breit, das hanim mir scho mängisch gseit, bin IG
Das won’ig am Liebschte ha, woni so totau druf stah, bin IG
Der Nabel vo der Wäut, wosech aues ringsum drait, bi n’IG

Was isch guet u was isch Schlächt, was isch fautsch u was isch Rächt säg IG
Wär isch d'Lösig vom Problem, won ig säuber erfunge ha, dänk IG
Wär isch d'Rettig vom Planet, wonig säuber i d'Luft gschprängt ha, bin IG
Da git's bi mir kei Toleranz, wär het da geng der länger Schwanz, bin IG

Wenn hie öpper übrig blybt – - denn nume IG
Aues wo's hie z'hole git - - das nimme IG
IG Ja IG Immer nume IG..
Wo's sölls da itz dürega, u wie söll das da wytergaa?
Gits da öpper wo düregseht, wo no öppis Bessers weiss?
Was ische's wo am Schluss no zeut, we aues usenanger gheit?
Was isch guet u was isch Schlächt, was isch fautsch u was isch Rächt?
Isch da Eine wo no weiss, wo's würklech düregeit?
Was isch d's Zentrum vo der Wäut, wosech aues ringsum drait?
vom Aafang vo der Zyt bis i aui Ewigkeit?



[top]