I bi e Löl, e blöde Siech, e Glünggi un e Sürmu
I bi ne Tubel, i bi ne toubi Nuss
Läck mir, was bini für ne Depp
Zum Glück hani mis Deppe App

Troche, warm u Himmelblau Ha churzi Hose es T-Shirt aa
Der Rägeschirm hani daheime g'lah Aber pfludinass stah n i im Räge da

I bi verlore irgendwo U i finge nümme hei
I tippe uf mim Navi Start u Zielort ii U merke dass vor der Hustür bi

Gsehni us wie n‘ e Depp I weiss aues, i chume druus
I bi doch ke dummi Nuss Zum Glück isch d’s Deppe App itz duss!

Mit tuusig Fründe bini vernetzt U es wärde jede Tag no meh
I tippe was i mache, woni itze de grad bi De gschpüri nid wie einsam dasi bi

Gsehni us wie n‘ e Depp I weiss aues, i chume druus
I bi doch ke dummi Nuss Zum Glück isch d’s Deppe App itz duss!

Für alles u für nüt, gits hüt es App, - das isch doch guet
Bir Bank, bir Poscht, bim Chrämerlade, - chni eis ga abelade
Alles woni mache wird - nöime regischtriert
Mi Puls, mi Schritt wird gmässe - u ds App seit mir was i söll ässe
Jede wo grad wott, - cha mi verfolge wenn er wott
U cha wüsse was i hasse, - u weiss was i nid darf verpasse
Total ohni Zwang - leg i mys Läbe ufe Tisch
I zahle no derfür - u gloube, dass das d Freiheit isch

Bini würklech so n e Depp? Weiss nid mau wiemes löscht das Tubel-App
Bini würklech so n e Nuss, Zahlt hani ou no für dä Stuss
Bini würklech so n e Depp? Was weiss das App scho was i wett
Bini würklech so n e Nuss, Itz wüschis wägg, u hoffe es syg de Schluss!

Früecher hani no Musig gmacht
Ha Teggschte greimt u komponiert
Hüt cha das mys Deppe-App vil besser als ig
Drum chanis grad so guet la sy









[top]