Weisch wie mängisch isch’s mir passiert
Immer denn, we’s het pressiert
Dass i bi gheit
Dass i uf d Nase bi gheit
Meischtens han i’s de nomal probiert
Nomal ganz vo vore probiert
Bi nomal gheit
Bi voll uf d Frässe gheit
Mängisch han i der Muet nümm gha
Oder ha eifach ke Chraft me gha
Immer wider vo voren aazfa
I ha ufgä, ha nümme mögen ufstah

Immer, wen i ha gmeint, dass es hie itz nümme wytergeit
Han i ganz fescht a di ddänkt, und es het sech alles irgendwie wider ygränkt
Un i weis nid, isch da öpper, wo das Ganze länkt
isch da öpper, wo a mi dänkt

Teil hei gseit, i heig z weni studiert
Hei ganz viel gredt, hei lang referiert
Si hei mer’s gseit
Erklärt in Läng u Breit
Aber sälber hei si‘s gar nie probiert
Hei immer nume drannen ume studiert
Hei überleit
Si nie uf d Nase gheit
Vilech hei si ja der Muet nie gha
Alles wo si gha hei, eifach ’z la gah
Immer wider vo voren aazfa
Si hei ufgä, aber i stah no da

Immer, wen i ha gmeint, dass es nümm wytergeit
Han i ganz fescht a di ddänkt, und es het sech aues irgendwie wider ygränkt
U i weis nid, isch da öpper, wo das aues länkt
Wo mir jede Tag nöiji Hoffnig schänkt
Weisch wie mängisch bin i uf d Nase gheit
Was mi nid umbringt, das macht mi starch
Rede cha jede, Sache mues me mache
Alles het sech irgendwie wider ygränkt
Un i weis, es isch öpper da, wo das Ganze länkt
's isch öpper da, wo a mi – a mi dänkt.



CA Rohrer Daniel IPI 00072 97 75 37
007702 444 51
T-314068699-9

ISRC CH1522202004

[top]