E steile Pass han i – suber abgnoh
Jitz seckl i, dribble gäge ds Goal
Bis da eine chunt vo däm FC Hinderfotzige ufem Land
Dä kickt mir eis voll a ds Schiinbei, nimmt der Ball u bringt ne hei
... Jitz lig i hie im Gras

Mit mym Schatz ligen ig im Bett - und i finde, mir hei’s doch ganz fett
Knuutsche und schmuuse, dänke nid a ds Pfuuse – i wett i wär dy Teddybär
Früecher oder speter, chunt der Hanspeter u seit:
„Chumm jitz Baby, i schänke dir mys Härz“
… u ig blybe hie, alleinzi mit mym Hass

I bi ne Loser
E Füdle-Pfuuser
Cha mache was i wott i chume nie ufene grüene Zweig

Ds Läbe lang han i - büglet wie ne Löu,
ha gschaffet, gschaffet für my Lohn
bis de eine isch - cho us Sanggalle 's isch e Hohn
Dä het aues nöi erfunde, het afa spare vo ganz unde …
... jitze.– stahn i uf der Strass

Bi ne Verlüürer
E Füdle-Gfrüürer
Cha mache was i wott i chume nie ufene grüene Zweig

Verlore han i – aus won i ha gha
U stah jitz hie fasch füdleblutt da
I ha niene es Bett, i bi total blank, ha ke müede Rappe uf der Bank
Derfür chan i ändlech mache, was i wott, u i füele mi e so total frei …
... jitze – tanz i uf der Strass

Ha alles verlore
A ds Füdle gfroore
Cha mache was i wott ja jitz tanzen i mi ändlech frei
Ha nümm z –verlüüre
Muess nie meh früüre
Cha mache was i wott ja jitz singen i mi ändlech frei


CA Rohrer Daniel
006659 297 89
T-301.354.497-9
ISRC CH1522002004



[top]