Ei Aabe won i gäge hei zue bi gloffe
Han i pär Zuefall no 's par Kumpels aatroffe
Natürlech sy mer de ga d Kehle netze
U hei de afa lyre, afa schwätze

Jede het bblöffet, was är alles besser weis
Lääi isch ds Bier worde, d Chöpf aber umso heiss
Lämpe het’s de ggä nach em wysse Wy
Es rise Gschtürm het’s de ggä derby
Giele jitz gan i hei, der Gspass isch jitz verby

I weis nid was ig jitz wyter söll lyre – Warum dass ig’s immer wider probiere
Es het doch jede geng sy hert Bärner Gring – Es geit nid anders, als so wi geng
Es het doch e jede geng sy Meinig scho gha – Nume ig weis d Wahrheit und die isch klar

I ha di Tuble de la wytergrööle
I bi de ggange u ha ddänkt, das sy doch Lööle
U plötzlech han i‘s ganz klar vor mir gseh
Ja i ha se gha, die geniali Idee

I schrybe e Song, wo no niemer je ghört het
Das wird e grosse Hit, da hilf i jedi Wett
E coole Beat u ne geili Melodie
«Ein solches Lied, das gab’s noch nie!»
E wyssi Syte ligt da vor mir so läär
E Song komponiere, das isch doch nid schwär
Nüt Nöis isch mir me i Sinn cho – Verla het mi d Inspiration

Weis nid, was i hie no Nöis chönnt singe – weis nid, was i hie no Nöis chönnt bringe
Es isch doch alles scho lengschtens verzellt – Es isch doch alles scho lengschtens gseit
Es isch doch jedes Lied scho lengschtens gsunge – U jede Ton scho lang verklunge
Isch jedi Fläsche ustrunke – u scho ddänkt jede Gedanke?
Isch jede Bärg scho erklumme – isch jede Wäg scho ggange?
Isch jedes Täller läär gässe – die grossi Liebi vergässe?Isch jede Himmel scho abegheit – U jedes Wort würklech scho gseit?


CA ROHRER DANIEL
006659 296 91
T-301.354.298-4
ISRC CH1522002004


[top]