News__ Music__ Biografie__ Discografie__ Fotogallerie__ Booking__ Kontakt

platte mache
am abe, wenn i daheime hocke,
da weiss i nid, was i söll,
der ganz tag hani produziert,
drumm wett ig itz chli konsumiere,
schwär isch das nid, ja das isch gar nid schwär,
isch nid schwär, uswahl het's ja sicher gnueg,
ig weiss nume nid, söll i ächt itze,
fernseh luege, platte lose, i d'disco gaa,
oder ächt ga pfuuse?

i suech n'e platte, u lege se uuf,
em polo sis gequasel, regt mi fang uuf,
i hautes knapp e haub schtung uus,
u wünsch'mer es, gäb mau chli öppis nöis,
e schärbe mache, ja das isch gar nid schwär,
auso ig würd's sicher besser mache,
i weiss nume nid, söll i äch itze,
fernseh luege, platte lose, i d'disco gaa,
oder ächt ga pfuuse?

i hocke vor'e fernseh u schaute ii,
ds heidi abel isch gschtorbe und verbi,
i schaute um uf ARD,
aber was die bringe, au, das tuet ja weh,
wyterschaute, ja das isch gar nid schwär,
auso ig ha sicher gnueg programm,
i weiss nume nid, söll i äch itze
fernseh luege, platte lose, i d'disco gaa,
oder ächt ga pfuuse?

mis schätzi isch mer druus, itz bini allei,
mit nasse ouge hock i daheim,
die ganzi zyt muess ig a si dänke,
mit was söll i mi denn itz ablänke,
schwär isch das nid, ja das isch gar nid schwär,
auso uswahl het's ja sicher gnueg,
ig weiss nume nid, söll i itz ächt
fernseh luege, platte lose, i d'disco gaa,
oder ächt ga pfuuse?

[top]