News__ Music__ Biografie__ Discografie__ Fotogallerie__ Booking__ Kontakt

huusfroue blues
text: nic high
das isch dr huus frauä blues. ehea!
das isch dr huus frauä blues
wenn er di packt und nümmi will lo goh
channsch nämmlig eifach grad wider vo vornä afo…
so so. jäwohl!
denn du bisch ganz äläi dähäi
jedä morgä brav uffschtoh
zmorgä machä, alli weggä,
denn die chinder mien in d’schuel goh
und denn putzä, ichaufä, uffrumä, chochä
wöschä, fliggä, organisierä, telefonierä, schtaubsugä
schissiputzä, abwäschä, et cetera et cetera
und alli die sisifusarbet
und sag mol hesch nid amigs au s’gfühl,
das alles schtinggt mr mängisch au?
und trotzdäm, ich muess es machä
denn sunscht machts’s jo niemerts
und als dangg krieg ich nämlig nid ämol ä lohn
sondern högschtens no dr hohn.
und i kenn au keini ferie meh
das het’s sitterä ewigkeit nümmi geh
jo das isch dr huus frauä blues
er nimmt mr d’chraft und d’freud und sugt mi us.
dr huus frauä blues.

well i woke up this morning
u de bini go bügle so wie jede tag
i ha gschuftet u g’chrüpplet
u büglet d’r lieb läng tag
u am abe, woni de ändlech
uff d’r schnure bi heicho
isch d’ wohnig läär g’si and my babe was gone...
ufem chuchitisch isch e zedu g’läge
si syg wägg, si syg furt
si heig d’nase g’schtriche
vou vom huus froue blues.

huus froue blues, de huus froue blues
o dä huus frauä blues, es isch ä gruus
er nimmt mr d’chraft und d’freud
und sugt mi eifach wider ämol us
dä ewigi huus frauä blues
i ha dr blues i chumm jo sälber nümmi drus
was isch denn das, was isch mit mr los?
ha das gar nid kennt, sonä blues
aber jetzt, jetzt hanen, definitiv
dr huus frauä blues, ea, dr huus frauä blues
ä blues, blu blu blu blu blu blu blues
huus froue blues, dr huus froue blues
do am tisch, ehea, und si findä mi zmittag grusig wää
das wänn si gar nid ässä und was machi denn?
es mues halt eifach si und s’chunnt immer wider irgend ä kritik
und es hört gar nie uf und mängisch dänggsch
dä chasch überhaupt nüt richtig machä
jedä het immer überall irgendwo öbbis ummä z’motzä
es isch doch eifach wirklich zum chotzä
und denn paggt er mi wider, shit, i hanen, dr blues, es isch ä gruus!
er nimmt mr d’chraft und d’freud und er sugt mi us
denn das isch dr huus frauä blues

i chas nid änderä. i gimmer mieh und probiers immer wider vo neuem
und es goht wider besser oder ich raff mi wider uff
und überhaupt, dänggsch an nüt böses
s’goht dr guet, s’isch alles friedlich, s’lauft rund
und plötzlich machts „tschäbädäbung“ und er isch wider do. yeah
er nimmt mr d’chraft und d’freud
und er sugt mi eifach immer wider us
dä huus frauä blues. yeah dr blues!

s git immer wider die momänt, do hänggts dr eifach us und dä kriegsch
dr blues, yeah, dr blues, dr blues und nomol dr blues
und nüt anders wie immer dr blues

[top]