was ufhört isch nid fertig
s'gseht mängisch zwar so us
es läbe blybt es läbe
bis z'letscht u drüber uus

i wirde aut u ruhig
mys für laht langsam na
ha bau meh fröid am heicho
aus em i'd'frömdi ga

i mache nüm viu gschtürm
viu lieber losi zue
lose uf nöji stimme
wo nöji lieder singe

lieder wo verzeue vo'r zyt wo vorüs steit
vor luscht da drann mit z'häufe
dass mängs de besser geit

lieder vore liebi
wo eim vieu meh wird g'linge
wo si die nöji stimme
wo nöji lieder singe
wo nöji lieder singe…

u du u i mir hocke
im dunkle aberot
u dänke drüber nach
mit was üs d'zuekunft droht

was alles chunnt
wo mir no nid rächt hei chönne finge
u ob's die nöie stimme
mit ihrne lieder bringe

was alles nöi wott aafa
wenn jahr um jahr verrünnt
d's läbe hört nid uf läbe
s'isch nid der tod wo gwinnt

drumm sing i chly vom aafaa
vo dämm wo wieder chunnt
viellicht i angere forme
läbig u schön u rund

vo geduld u gärnhaa
wie eim meh chönnti g'linge
u gäng meh nöii stimme
wärde die lieder singe
wärde die lieder singe…


[top]