Am Abe, wenn i daheime hocke
Da weiss i nid, was i söll
Der ganz Tag hani produziert
Drum wett ig jitz chly konsumiere
Schwär isch es nid, ja das isch gar nid schwär, nenei
Isch nid schwär, also Uswahl het's ja sicher gnueg
Ig weiss nume nid, söll i ächt jitze
Fernseh luege, Platte lose, i d Disco gaa
Oder ächt ga pfuuse?

I hocke vor'e Fernseh u schaute y
Ds Heidi Abel das fahrt eifach nümm y
I schaute um uf ARD
Aber was die bringe, das tuet ja weh, au
Wyterschaute, ja das isch gar nid schwär, nenei
Isch nid schwär, also ig ha sicher gnueg Programm
I weiss nume nid, söll i äch jitze
Fernseh luege, Platte lose, i d Disco gaa
Oder ächt ga pfuuse?

I suech n'e Platte, u lege se uuf
Em Polo sis Gequasel, regt mi fang uuf
I haltes knapp e halb Schtund uus
U wünsch mer es, gäb mau chli öppis Nöis
E Schärbe mache, ja das isch gar nid schwär, nenei
Isch nid schwär, also ig würd's sicher besser mache
I weiss nume nid, söll i äch jitze
Fernseh luege, oder Platte lose, i d Disco gaa
Oder ächt ga pfuuse?

Mis Schätzi isch mer drus, jitz bini allei
Mit nasse Ouge hock i daheime
Die ganzi Zyt muess ig a si dänke
Mit was söll i mi denn jitz ablänke
Schwär isch es nid, ja das isch gar nid schwär, nenei
Isch nid schwär, also Uswahl het's ja sicher gnueg
Ig weiss nume nid, söll i äch jitze
Fernseh luege, Platte lose, i d Disco gaa
Oder ächt ga pfuuse?

Am Abe, wenn i daheime hocke
Da weiss i nid, was i söll
Der ganz Tag hani produziert
Drum wett ig jitz chly konsumiere
Schwär isch es nid, ja das isch gar nid schwär, nenei
Isch nid schwär, also Uswahl het's ja sicher gnueg
Ig weiss nume nid, söll i ächt jitze
Fernseh luege, Platte lose, i d Disco gaa
Oder ächt ga pfuuse?


C&A Rohrer Daniel
IPI 00072 97 75 37
000045 305 30
T-050.204.988-8

[top]